Thirrjet për bojkotimin e Kupës së Botës 2026 që do të mbahet në SHBA po shtohen, ndërsa debate mbi këtë çështje kanë shkuar përtej sportit, duke u përqendruar te politika e brendshme dhe ajo e jashtme e SHBA-së.

Një nga zërat më të njohur ishte ish-presidenti i FIFA-s, Sepp Blatter, i cili u bëri thirrje tifozëve përmes rrjeteve sociale që të “qëndrojnë larg SHBA-së dhe Botërorit”.

Në Gjermani, Oke Göttlich, president i St. Pauli dhe zv.president i Federatës Gjermane të Futbollit, kërkoi që “të merret seriozisht në konsideratë dhe të diskutohet bojkotimi i Botërorit”, duke krahasuar situatën me bojkotin e Lojërave Olimpike të Moskës në 1980 dhe duke theksuar se kërcënimi politik aktual është “edhe më i madh”.

SHBA do ta bashkë-organizojë Botërorin me Kanadanë dhe Meksikën nga qershori për rreth pesë javë. Kritikat janë shtuar edhe për shkak të politikave të Trump, përfshirë interesin për Groenlandën.

FIFA ka zgjedhur të heshtë, ndërsa kundërshtime janë shfaqur edhe në Britani, ku Mark Pieth deklaroi se tifozët duhet të bojkotojnë turneun si reagim ndaj “autoritareizmit në rritje” në vend pritës.